|
Leev Häre un Mammsellcher,
Fründe un Fründinne vun de Lyskircher Junge,
huhjeschätzte Lyskircher Famillisch,
als eeschtes lort doch ens an et Engk vun dä Sick he. Do strohlt Üch ene stolze Präsidöres entjäje dä en rude Pappnas ophät.
Dat Foto es jitz allt drei Johr alt, hät also met dem neue Fastelovendsmotto
„Jedem Jeck sing Pappnas“
tirek nix zo dun.
 Der Kuckelkorns Chris hät och bestemmp nit jekläut, als hä sich dat Motto üvverlaat hat, ävver vielleich hat hä jo ens e besje jespingks.
Die Lyskircher Junge künne jedenfalls met dem Motto mih als jot levve.
Un mer kann allt en Wett drop avjevve, wievill Orde em nöchste Johr all en rude Pappnas ziere.
Ävver zonöchs jröße ich Üch allemallich op dat Hätzlichste als Präsidöres un Eeschte Vörsetzer vun de Lyskircher Junge, dä Jesellschaff zur Fläje der Kölschen Mungk- un Eijeaat. Denn dat dun mer vun janzem Hätze, uns Muttersproch Kölsch schwaade, an uns Kölsche Eijeaate arbeide un wann evvens müjjelich se erhalde.
Dat es dat, wat Ehr bei uns erläve künnt, und keine Fastelovend wie Ovends en dr Äujelskess. Mer machen für Üch et Hätz op un nemmen Üch met.
Un 2012 jit et och för de Lyskicher Junge en jroße Attraktion:
De Mädche-Sitzung trick en et Hotel Maritim am Heumaat.
Mer freue uns op Üch!
Ävver bevür dat widder lossjeit, wünsche ich Üch en jode Zick 2011 un jröße Üch allemolde met stolzem Lyskircher Hätz un met dreimol Kölle Alaaf
Ühre
Klaus Salzsieder
Präsidöres und 1. Vörsetzer
Sehr hochdeutsche Übersetzung: Hier klicken |
"Goldene" Lyskircher Hellige Knäächte un Mägde
Hellige Pänz